समसामयिक :

समाजसेवी तेज शमशेर जबराद्वारा मुस्लिम समुदायका लागि इफतार कार्यक्रम सम्पन्न

आइतबार, चैत १७, २०८१

वीरगंज । वीरगञ्ज महानगरपालिका वडा नं. १३, राधेमाई निवासी तथा लामो समयदेखि समाजसेवामा समर्पित समाजसेवी तेज शमशेर जबराले शनिबार वीरगञ्जको आदर्शनगर पुरानो बस पार्कमा मुस्लिम समुदायका लागि विशेष इफतार कार्यक्रमको आयोजना गरेका छन्।

आपसी सद्भाव र धार्मिक सहिष्णुता कायम राख्दै मुस्लिम समुदायको मुख्य पर्व रमजानको अवसरमा आयोजित यस इफतार कार्यक्रममा समुदायका अगुवा, स्थानीय बासिन्दा, पत्रकार, सामाजिक अभियन्ता तथा विभिन्न पेशामा संलग्न व्यक्तिहरूको उल्लेखनीय उपस्थिति रहेको थियो।

धार्मिक तथा सामाजिक सद्भाव अभिवृद्धि गर्ने उद्देश्यले आयोजना गरिएको यस कार्यक्रमले समाजमा आपसी प्रेम, सहिष्णुता र एकताको सन्देश प्रवाह गरेको छ।

जबराले यसअघि पनि विभिन्न अवसरहरूमा परोपकारी कार्य गर्दै समाजका वंचित तथा असहाय वर्गलाई सहयोग पुर्‍याउँदै आएका छन्।

सामाजिक उत्थानका क्षेत्रमा सक्रिय रहँदै आएका जबराले विशेष गरी धार्मिक तथा सांस्कृतिक अवसरहरूलाई सेवा भावका साथ मनाउने परम्परा कायम राखेका छन्।

कार्यक्रममा वडा प्रहरी कार्यालय विर्ताका प्रहरी प्रमुख निरीक्षक निराेज चाैगाइ, स्थानीय समाजसेवी, पत्रकार तथा मुस्लिम समुदायका अगुवाहरूको विशेष उपस्थिति रहेको थियो।

उपस्थित वक्ताहरूले तेज शमशेर जबराको सामाजिक कार्यको प्रशंसा गर्दै धार्मिक सहिष्णुता तथा समाजमा आपसी मेलमिलाप अभिवृद्धि गर्न उनको योगदान महत्वपूर्ण रहेको बताए।

स्थानीय बासिन्दाहरूले पनि यस प्रकारका सहयोगी गतिविधिहरूले समाजमा सकारात्मक सन्देश प्रवाह गर्ने भन्दै प्रशंसा व्यक्त गरे।

समाजसेवामा समर्पित तेज शमशेर जबराले धार्मिक तथा सामाजिक कार्यप्रति निष्ठा राख्दै मानवता र सेवा भावको प्रवर्द्धन गर्दै आएका छन्।

उनले आगामी दिनहरूमा पनि यस्ता सेवामूलक कार्यहरूलाई निरन्तरता दिने प्रतिबद्धता व्यक्त गरेका छन्।

उनका यस्ता प्रयासहरूले समाजमा आपसी सद्भाव, सहयोग तथा भाइचारा प्रवर्द्धन गर्ने विश्वास गरिएको छ।

प्रकाशित मिति: आइतबार, चैत १७, २०८१  १०:२४
प्रतिक्रिया दिनुहोस्
समाज
विशेष खोज
खेलकुद
राजनीति
अर्थ वाणिज्य
स्वास्थ्य
अन्तराष्ट्रिय