सोसल मिडिया
हाम्रो बारेमा
वीरगञ्ज । जिल्ला प्रहरी कार्यालय बाराले दुई किलो पाँच सय ग्राम लागूऔषध अफिम जस्तो पदार्थसहित एक जनालाई नियन्त्रणमा लिएको छ ।
पक्राउ पर्नेमा धादिङ गजुरी नगरपालिका – ४ का २६ वर्षीय राजन चेपाङ रहेका छन् ।
प्रहरी चौकी पथलैयाबाट प्रहरी सहायक निरीक्षक अमृत मैनालीको कमान्डमा खटिएको टोलीले बारा प्रहरीले आइतबार बेलुका जीतपुरसिमरा उपमहानगरपालिका – १ पथलैया चोकमा चेकजाँचका क्रममा उक्त पदार्थ फेला पारेको हो ।
धादिङबाट वीरगञ्जतर्फ आउँदै गरेको प्र.०३-०३-००१ प.५२७३ नम्बरको एफजेड मोटरसाइकललाई शङ्कास्पद ठानेर रोकेर जाँच गर्दा चालकको कालो झोलाभित्र तीन वटा गोलाको रूपमा लुकाइएको दुई किलो पाँच सय ग्राम अफिम जस्तो पदार्थ बरामद भएको प्रहरीले दाबी गरेको छ ।
उनलाई नियन्त्रणमा लिई आवश्यक कानुनी प्रक्रिया अगाडि बढाइएको बारा प्रहरीले जानकारी दिएको छ ।