लागूऔषध :

खैरो हेरोइन सहित मकवानपुरका युवक वीरगञ्जमा पक्राउ

सोमबार, फागुन १९, २०८१

वीरगञ्ज । जिल्ला प्रहरी कार्यालय पर्साले लागूऔषधसहित एक जनालाई पक्राउ गरेको छ ।

पक्राउ पर्नेमा मकवानपुर जिल्लाको हेटौडा उपमहानगरपालिका – १७ हटिया बस्ने २१ वर्षीय मीन बहादुर अधिकारी रहेका छन् ।

पर्सा प्रहरीका अनुसार, फागुन १५ गते वीरगञ्ज महानगरपालिका – १६ रजत जयन्ती चोकस्थित सडक खण्डमा विशेष सूचनाको आधारमा प्रहरीले संयुक्त चेकजाँच गरेको थियो ।

चेकजाँचका क्रममा भारतको सीमावर्ती सहर रक्सौलबाट वीरगञ्जतर्फ पैदल आउँदै गरेका अधिकारीलाई रोकेर जाँच गर्दा उनले लगाएको कालो ज्याकेटको अगाडिको दाहिने खल्तीमा सेतो प्लास्टिकमा बेरेर लुकाइएको ४ ग्राम खैरो हेरोइन जस्तो देखिने पदार्थ फेला परेको पर्सा प्रहरीको दाबी छ ।

लागूऔषध नियन्त्रण ब्युरो शाखा कार्यालय पर्सा र प्रहरी चौकी ईनर्वाबाट खटिएको संयुक्त प्रहरी टोलीले बरामद सामग्रीसहित अधिकारीलाई नियन्त्रणमा लिएको पर्सा प्रहरीले जनाएको छ ।

पक्राउ परेका अधिकारीलाई जिल्ला प्रहरी कार्यालय पर्सामा ल्याई लागूऔषध सम्बन्धी कसुरमा ७ दिनको म्याद थप गरी थप अनुसन्धान भइरहेको प्रहरीले जनाएको छ ।

प्रहरीले बरामद सामग्रीमा प्लास्टिकबिनाको ४ ग्राम खैरो हेरोइन जस्तो देखिने पदार्थ रहेको छ । घटनाको विस्तृत अनुसन्धान जारी रहेको प्रहरीले बताएको छ ।

प्रकाशित मिति: सोमबार, फागुन १९, २०८१  ०९:४६
प्रतिक्रिया दिनुहोस्
समाज
विशेष खोज
खेलकुद
राजनीति
अर्थ वाणिज्य
स्वास्थ्य
अन्तराष्ट्रिय