वीरगञ्ज । प्रस्तावित सीमा सुरक्षा गुल्म वीरगञ्जले वीरगञ्जको आदर्शनगरस्थित रहेको शिवम ईम्पोरियममा छापामारी गरी लाखौ मुल्यका भन्सार छलीका कपडा बरामद गरेको छ ।

वीरगञ्जको मुख्य बजार आदर्शनगर स्थित रहेको चाचान मार्केटमा संचालनमा रहेको शिवम इम्पोरियममा सशस्त्र प्रहरी र वीरगञ्ज भन्सारको संयुक्त टोलीले छापामारी गरी भन्सार छली भित्रयाईएको लाखौ मुल्यका कपडा बरमद गरेको हो ।

विषेश सुचनाको आधारमा सशस्त्र प्रहरी र वीरगञ्ज भन्सारको संयुक्त टोलीले छापामारी गर्दा ईम्पोरियमको गोदामबाट ५० पोका भन्दा बढी संख्यामा रहेको कपडाको पोका बरामद गरिएको सशस्त्र प्रहरीले जनाएको छ ।

बरामद गरिएको कपडाको बजार मुल्य ३० लाख भन्दा बढीको रहेको बताइएको छ ।