समसामयिक :

नेशनल मेडिकल कलेजमा मनाइयो नेपाल नर्सिङ दिवस

बुधबार, माघ १६, २०८१

वीरगंज । नेपालमा आज ६३ औँ नर्सिङ दिवस विभिन्न कार्यक्रम गरी देशैभर मनाइँदै छ।

नर्सहरूको पेशागत सुरक्षा र हकहितका लागि भन्दै २०१८ माघ १५ गते नेपाल नर्सिङ संघको स्थापना भएको थियो ।

संघकै स्थापना दिनको अवसर पारेर यो दिवस मनाउन थालिएको हो । नेपाल नर्सिङ दिवस नेशनल मेडिकल कलेज तथा शिक्षण अस्पतालमा पनि मनाईएको छ ।

दिवसको अवसर पारेर मेडिकल कलेजले नर्सिङ दिवसमा बिशेष कार्यक्रम गरेको हो ।

कार्यक्रमको प्रमुख अतिथि नेशनल मेडिकल कलेज तथा शिक्षण अस्पतालका एकेडेमीक डाइरेक्टर डा. नुसरत जहाँ अन्सारीले नर्सिङ दिवसको शुभकामना व्यक्त गर्दै बिरामीलाई आफन्त जस्तो सम्झेर सेवा गर्न नर्सहरुलाई सुझाव दिईन् । 

मेडिकल कलेजका हस्पिटल डाइरेक्टर इसरत जहाँ अंसारी, अडमिसन तथा मार्केटिङ डाइरेक्टर अविद हुसैन अंसारी , डाइरेक्टर रुबि यास्मिन कलेजका प्रो. डा. के ऐन सिंहलगायतले पनि नर्सिङ दिवसको शुभकामना व्यक्त गरेका थिए ।

नर्सिङ दिवसकै अवसर पारेर बिरामीहरूलाई सोहि अवसरमा फलफूल वितरण गरियो । 

कार्यक्रममा नेशनल मेडिकल कलेजका , प्रशासन प्रमुख गौसुल आजम, पप्पु सिंह , कलेजमा कार्यरत नर्स, कर्मचारी लगायत सहभागि थिए ।

प्रकाशित मिति: बुधबार, माघ १६, २०८१  ०७:४६
प्रतिक्रिया दिनुहोस्
समाज
विशेष खोज
खेलकुद
राजनीति
अर्थ वाणिज्य
स्वास्थ्य
अन्तराष्ट्रिय