बीरगन्ज। नेकपा एमाले पर्सा जिल्लाको प्रथम सचिवालय कमिटीको बैठक अध्यक्ष डा. विशम्भर कुमार शर्माको अध्यक्षतामा पार्टी कार्यालय मनमोहन नगरमा सम्पन्न भएको छ। 

बैठकमा केन्द्रीय कमिटी सदस्य तथा पर्सा इन्चार्ज प्रभु हजरा र केन्द्रीय सदस्य अरविन्द सिंहले निर्णायक राष्ट्रिय शक्ति  निर्माणका लागि नेकपा(एमाले)को माघ देखि चैत महिनासम्म सन्चालन हुने तीन महिने वडा-केन्द्रित पार्टी निर्माण अभियानको बारेमा जानकारी गराउनु भयो ।

हालै सम्पन्न केन्द्रीय कमिटीको बैठकले वडा केन्द्रीत अभियान सुरु गर्ने निर्णय गरेको थियो । 

माघ महिना भित्र १४ वटै पालिकाको अधिवेशन र तत्पश्चात् ११२ वटै वडाको अधिवेशन गर्ने निर्णय भएको जिल्ला कमिटी सचिव महेश दासले जानकारी दिनु भएको छ ।

पालिका अधिवेशन सम्पन्न गर्न क्षेत्रीय समन्वय कमिटीको बैठक आउदो साता सम्पन्न गर्ने निर्णय गरिएको छ ।

बैठकमा प्रदेश कमिटी उपाध्यक्ष विचारी प्रसाद यादव , जिल्ला कमिटी उपाध्यक्ष मनोज कुमार गुप्ता सहित पदाधिकारी र सचिवालय कमिटी सदस्यको सहभागिता रहेको थियो ।

बैठकको सहजीकरण सचिव महेश दासले गर्नु भएको थियो ।