वीरगञ्ज । नेपाल इन्जिनियर्स एसोसिएसनले वीरगञ्जमा आइतबार आयोजना गरेको कार्यक्रममा १ महिला सहित ६५ जनाले रक्तदान गरेका छन् ।

इन्जिनियर्स दिवसका अवसरमा वीरगञ्ज इन्स्टिच्युटका अफ टेक्नोलोजीको सहकार्य नेपाल इन्जिनियर्स एसोसिएसनले रक्तदान कार्यक्रमको आयोजना गरेको हो । 

रक्तदान कार्यक्रमको उद्घाटन वीरगञ्जस्थित भारतीय महावाणिज्य दूतावासका महावाणिज्यदूत नितेश कुमारले गरेका थिए ।वीरगञ्जस्थित रक्तसञ्चार केन्द्रमा रगतको अभाव भएको बेला इन्जिनियर्स दिवसको अवसर पारेर रक्तदान कार्यक्रमको आयोजना गरिएको नेपाल इन्जिनियर्स एसोसिएसन वीरगञ्ज केन्द्रका अध्यक्ष उमेश कुमार गप्ताले बताए ।

सेन्टर फर डेमोक्रेटिक ईन्जिनियर्स नेपाल मधेस प्रदेशका अध्यक्ष मनोज कुमार दासको संयोजकत्वमा आयोजित रक्तदान कार्यक्रममा नेपाल इन्जिनियर्स एसोसिएसन मधेस प्रदेश सदस्य प्रियान्सु कुमार गुप्ता रौनियार, रवी कुमार साह, विकेश साह लगायतको उपस्थिति रहेको थियो ।