वीरगञ्ज,१० भदौ । सशस्त्र प्रहरी बल नेपाल नम्बर १३ नम्बर गण पर्साबाट सादा पोषाकमा खटिएका घुमुवा सशस्त्र प्रहरी कुटिएको खबर प्राप्त भएको छ ।

वीरगञ्ज महानगरपालिका वडा नम्बर १९ स्थीत बारवा गाउमा बिलविजक भएको माल समान पक्राउ गर्ने क्रममा गएको शनिवार राती सशस्त्र प्रहरी बल नेपाल नम्बर १३ गण पर्साका घुमुवाद्धय व्यापारीबाट कुटिएका हुन ।

बारवाका स्थानीय व्यापारीहरुले सिमामा सहजिकरन गरिदिन सशस्त्र प्रहरी बल प्रस्तावित गुल्म अलौमा कार्यरत सशस्त्र प्रहरी नायव निरिक्षक सहदेव सापकोटा मार्फत गुल्मका डिएसपी विकाश अधिकारीलाई रकम बुझाएको दावी गरेका छन ।

सशस्त्र प्रहरी नायव निरिक्षक सहदेव सापकोटालाई ३० हजार, डिएसपी अधिकारीलाई ५० हजार रुपैया सई सापकोटा मार्फत दिएको उनीहरुको दावी छ ।

व्यापारीहरुले सशस्त्र प्रहरीलाई सहजिकरण गर्न रकम दिएपनि बिलविजक भएको कपालमा लगाउने निहार हेयर आयल समाउन खोजेपछी भएको वाद-विवाद कुटा कुटमा परिणत भएको बताईएको छ ।

उक्त वाद-विवाद पश्चात सशस्त्र प्रहरीले विल विजक भएको १ सय कार्टून निहार हेयर आयल पक्राउ गरेर ल्याएको थियो।

यस विषयमा बुझन् खोजदा सशस्त्र प्रहरी उपरिक्षक धिमालको मोबाईलमा सम्पर्क हुन सकेन । यता अलौ प्रस्तावित गुल्मका डिएसपी अधिकारीले भने भेटेर कुरा गर्ने भनेर धेरै बोल्न् चाहेनन् ।