सोसल मिडिया
हाम्रो बारेमा
वीरगन्ज । नेपाललाई भारतले गर्दै आएको सहयोग अन्तर्गत ४ सय ८९ योजनाहरु सम्पन्न भएका छन ।
यसतै भारत सरकारले नेपालका विभिन्न क्षेत्रमा ५सय ५१ भन्दा बढी उच्च प्रभाव सामुदायिक विकास परियोजना अघि बढाएको छ ।
यस मध्ये सुदूरपश्चिम प्रदेशका विभिन्न क्षेत्रमा ४० वटा परियोजना चलिरहेका छन् । जसमा १० भौतिक विकासका परियोजना दार्चुलामा मात्रै लागु छन् ।
‘नेपाल–भारत विकास सहकार्य’मा निर्माण सम्पन्न भएको विद्यालय भवनको उदघाटन गरिएको छ ।
दुहुगाउपालिकामा नवनिर्मित जनविकास माध्यमिक विद्यालय भवनको गाउँपालिकाका अध्यक्ष नरेन्द्रबहादुर सिंह बडाल र भारतीय राजदूतावासका द्वितीय सचिव प्रशान्त कुमार सोनाले संयुक्त रुपमा उद्घाटन गर्नु भएको हो ।
भारतीय सरकारको आर्थिक सहयोगमा निर्मित उक्त भवनको लागत रु ३ करोड ३७ लाख रहेको जनाइएको छ ।
विद्यालय भवन उदघाटन कार्यक्रममा राजनीतिक दलका स्थानिय प्रतिनिधि, सरकारी अधिकारी, समाजसेवी, विद्यालय व्यवस्थापनका पदाधिकारी , शिक्षक,शिक्षिका, अभिभावक तथा विद्यार्थीहरु समेतको उपस्थिति रहेको थियो ।
यसै गरी एक कार्यक्रम बिच व्यास गाउपालिकामा निर्माण हुने विद्यालय भवनको शिलान्यास भएको हो ।
भारतीय सहयोगमा निर्माण हुने सो विद्यालय भवनगको शिलान्यास गाउँपालिकाका अध्यक्ष मंगल सिंह धामी र काठमान्डौ स्थित भारतीय राजदूतावासका द्वितीय सचिव प्रशान्त कुमार सोनाले संयुक्त गर्नुभएको छ ।
व्याँस गाउँपालिका वार्ड नम्बर ६ मा निर्माण हुने उक्त हिमालय माध्यमिक विद्यालयको भवन २ करोड ८२ लाखको लागतमा निर्माण भारतीय दुतावासले जनाइएको छ ।
‘नेपाल–भारत विकास सहकार्य’ परियोजना अन्तर्गत निर्माण हुने दुई तल्ले विद्यालय भवन, शौचालय, पर्खाल र प्रवेशद्वार लगायतका भौतिक निर्माणका कार्यहरु गरिनेछ ।
भारत र नेपाल सरकारबीच भएको सम्झौता अन्तर्गत यी दुवै परियोजनालाई उच्च प्रभाव र महत्वकाक्षी सामुदायिक विकास परियोजनाको रुपमा अघि बढाइएको हो ।
कार्यक्रममा बोल्दै भारतीय दुतावासका द्धितीय सचिव प्रशान्त कुमार सोनाले दार्चुलका जनताको भौतिक र शैक्षिक विकासका लागी भारत सरकारको सहयोगमा निर्मित विद्यालय भवन परियोजना भारत र नेपाल बीचको सम्बन्धलाई अझ बलियो विकास साझेदारीको सावित हुने आशा व्यक्त गर्नुभयो ।
यसैगरी छुटाछुटै दुबै कार्यक्रममा बोल्दै व्याँस गाउँपालिका र दुहुँ गाउँपालिकाका अध्यक्षले प्राथमिकताका क्षेत्रमा भारत सरकारको सहयोग नेपाली जनताको उन्नतिकामा प्रभावकारी सावित हुने बताउदै भारतद्धारा निरन्तर भइरहेको विकास सहयोगको प्रशंसा गर्नुभयो ।
दार्चुलास्थित श्री हिमालय माध्यमिक विद्यालय र श्री जनविकास माध्यमिक विद्यालयमा अध्ययनरत विद्यार्थीहरुका लागि गुणस्तरिय शिक्षा प्रदान गर्न विद्यालयका नयाँ भवन उपयोगी हुनुका साथै यसले सिकाइका लागि राम्रो वातावरण सिर्जना आशा व्यक्त गरिएको छ ।
सबका साथ सबका विसका मोदी सरकारको निति अनुसार भारतले प्रथम छिमेकीलाई प्राथमितमा राख्दै नेपालको विभिन्न क्षेत्रहरुमा सहयोग गर्दैै आएको छ ।
भारत नेपाल बिच प्रगाढरहेको रोटी वेटीको सम्बन्धलाई मध्यनज गर्दै भारतले नेपाललाई व्यापक र बहुक्षेत्रीय सहकार्य गर्दै आएको छ ।
नेपालमा जारी रहेका विकास निर्माणका परियोजनाको कार्यान्वयनले नेपाली जनताको समुन्नतिकालाई प्राथमिकताका साथ विशेषगरी शैक्षिक क्षेत्रमा भौतिक पूर्वाधारको विस्तारका गर्दै आएको छ ।
स्थानिय जनचाहना अनुसार नेपाल सरकारले चालेका प्रयासमा भारत सरकार सदैव हातेमालो गर्न तयार रहेको कुराको प्रतिवद्धता नेपाल स्थित भारतीय दुतावासले सधै व्यक्त गर्दै आएको छ ।
यसका साथै भारत सरकारले स्वतन्त्रता दिवस र गणतन्त्र दिवसको अवसरमा नेपालका विभिन्न अस्पताल, स्वास्थ्य चौकी र शैक्षिक संस्थालाई १००९ वटा एम्बुलेन्स र ३०० वटा स्कुल बस उपहारस्वरुप प्रदान गरिसकेको छ ।
जसमध्ये सुदूरपश्चिम प्रदेशलाई ६० वटा एम्बुलेन्स र २० वटा स्कुल बस उपहारस्वरुप प्रदान गरिएको जनाइएको छ ।
यसमा ८ वटा एम्बुलेन्स र २ वटा स्कुल बस दार्चुला जिल्लालाई मात्र उपलब्ध गराइएको हो ।
