वीरगञ्ज ।उपप्रधान तथा गृहमन्त्री रवि लामिछानेले व्यपार व्यसायमा राम्रो काम गर्ने उद्योगी व्यवसायीहरुको साथमा गृह प्रशासन रहेको र गलत गर्नेहरुलाई कारवाही गरीने बताएका छन । 

वीरगन्जमा गृह मन्त्रालय र अर्थ मन्त्रालयद्रारा भएको राजस्व अभिवृद्धि तथा चुहावट नियन्त्रण सम्बन्धी गोष्ठीमा उनले उद्योगी व्यवसायीहरुले एउटा समाग्रीको बिल राखेर अर्को समान पठाउनेलाई गम्भीर रुपमा लिएको बताएका हुन । अहिले बिल बिजकमा जुन समस्या देखिएको छ त्यसलाई पुर्ण रुपमा नियन्त्रण गर्ने गरी कदम चाल्ने उनको भनाई छ । 

व्यपारको नाममा बिल नबनाउने , गलत बिल बनाउने , एउटा बिलमा अर्को समाग्राी हाल्नेलाई नियन्त्रणमा लिने र कारवाही गरीने उनको भनाई छ । साथै मन्त्री लामिछानेले देशमा अहिले राजस्व संकलनमा देखिएको चुनौतीहरुलाई सामना गर्नका निमित नितिगत रुपमा सरकारले चाल्नु पर्ने कदमको सन्दर्भमा गहिरो ढंगले छलफल गरीरहेको उनले बताए । 

उद्यारोको कानुनको सन्दर्भमा बाहिरका उद्योगी व्यवसायीहरु यहाँ व्यवसायको वातारणका निम्ती रातो कार्पेट हाल्ने गरिएकाले हाम्रो देशका व्यवपारीहरुलाई बचाउन मख्मलको कार्पेट बिछयाउनेमा उनले जोड दिए । 

गृह प्रशासनको सन्दर्भमा सहि बातावरणमा गलत कानुनहरुलाई संशोधन गर्दै नयाँ कानुनहरुको तर्जुमा लिनु पर्ने राजस्व लिने र व्यपारीहरुले कर तिर्ने बेलामा जुन दुख पाएको छन त्यसलाई समाधान गरीने उनको भनाई छ । 

अहिले व्यपारीहरुले ठाँउ ठाँउमा चेकजाँचको नाममा समाजिक प्रतिष्ठा मै आच पुग्ने कार्यमा प्रहरी घरमा पुग्ने अवस्था आएकाले त्यसलाई मुक्त गर्न तर्फ अगाडी बढ्ने बताए । अब देशमा कानुनी शासन बिधिको शासन स्थापना गर्ने बाटोमा लाग्नु पर्ने भएकाले यो कार्यक्रमको आयोजना गरीएको मन्त्री लामिछानेले बताए । 

यहाँ कुन कुन क्षेत्रमा के कारणले समस्या रहेछ त्यसबारेमा नितिगत र व्यवहारिक रुपमा आफुलाई जानकारी रहेको गृहमन्त्री लामिछानेले बताए । उनले पछिल्लो समयमा परेको समस्याको बारेमा राजनितिक फेभर नै मुख्य कारण भएकाले समस्याको बारेमा आफुले राम्रो संग बुझेको जिकिर गरे । 

गृहमन्त्री लामिछानेले वीरगन्जमा स्वच्छ रुपमा व्यापार , व्यवसाय गरेर देशको आर्थिक बिकाशमा सेवा पुरर्याउन सकिनेहरु त्रसित भएको बताए । अहिलेको राजनितिक समस्याले देशमा नितिगत र व्यवहारीक रुपमा कहाँ कहाँ समस्या रहेछ त्यसलाई समाधान गर्न सकिने बताए । 

राजस्व अभिवृद्धि तथा चुहावट नियन्त्रणको बारेमा यसको समस्या बुझेर समाधान गर्न सकिने गरी अगाडी बढ्ने उनले बताए । मन्त्री लामिछानेले गलत भईरहेको ठाँउको बारेमा बुझेर अगाडी बढ्दै देशको आर्थिक बिकाशमा काम गर्न अगाडी बढ्ने बताए । 

कार्यक्रममा अर्थ सचिव कृष्णहरी पुष्कर , गृह मन्त्रालयका सहसचिव नारायण भट्टराई र बारा पर्साका सुरक्षा प्रमुख र यसक्षेत्रका उद्योगी व्यवसायीहरुको सहभागीता रहेको थियो ।