सोसल मिडिया
हाम्रो बारेमा
बारा। स्रोत नखुलेको १३ लाख ५० हजार सहित बारा प्रहरीले दुईजनालाई पक्राउ गरेको छ।
पक्राउ पर्नेमा जिल्ला पर्सा पोखरिया नगरपालिका वडा नम्बर १ बनकटवा बस्ने वर्ष ३४ को हरिकिशोर प्रसाद पटेल र बारा महागढीमाई नगरपालिका वडा नम्बर १ बस्ने वर्ष ४२ को रमेश प्रसाद कुशवाहा रहेका छन।
विशेष सूचनाको आधारमा जिल्ला प्रहरी कार्यालय बारा कलैयाबाट खटिएको प्रहरी टोलीले बिश्रामपुर गाउँपालिका वडा नम्बर ४ मुसहर्वा स्थित सडक खण्डमा पटेलले चलाएर ल्याएको प्रदेश २-०३-०१६ प २३३७ नम्बरको मोटरसाईकल रोकी चेकजाच गर्ने क्रममा लुकाई छिपाई राखेको विभिन्न दरका नेपाली १३ लाख ५० हजार रूपैया बरामद भएको जिल्ला प्रहरी कार्यालय बाराका प्रवक्ता एवम सुचना अधिकारी प्रहरी नायव उपरीक्षक डीएसपी दधिराम न्यौपानेले जानकारी दिए।
भारतबाट नेपालमा श्रोत नखुलेको रकम ओसार पसार भईरहेको सुचना आएपछी हामीले टोली खटाएर नियन्त्रणमा लियौं प्रवक्ता न्यौपानेले भने ।
पक्राउ परेका दुवैजना माथी थप आवश्यक अनुसनधान कार्य भई रहेको जिल्ला प्रहरी कार्यालय बाराले जनाएको छ ।
