सोसल मिडिया
हाम्रो बारेमा
वीरगंज । बारा सदरमुकाम कलैया उपमहानगरपालिका वडा नम्बर ६ मदरसा टाेलस्थित आज दिउसाे अज्ञात समुहद्वारा भएकाे गाेली प्रहारबाट गम्भिर घाइते रुपेश स्वर्णकारकाे मृत्यु भएकाे छ ।
कलैयाको बाल एकता बाेर्डिङ स्कुलका संचालक एवम् प्रिन्सिपल ३५ बर्षिय स्वर्णकारकाे उपचारकाे क्रममा वीरगंजकाे गण्डकस्थित नेपाल मेडिसिटी बयाेधा हस्पिटलमा मृत्यु भएकाे प्रहरीले जनाएकाे छ ।
कलैया बजारबाट खाजा लिई स्कुल तर्फ जादै गरेकाे स्वर्णकारमाथि साेमबार दिउसाे १:१५ बजेकाे समयमा नम्बर नखुलेकाे माेटरसाइकलमा सवार ४ जना अपरिचित व्यक्तिहरुकाे समुहले गाेली प्रहार गरि फरार भएका थिए ।
कालो सर्ट, जिन्स पाईन्ट लगाएको र मुखमा रुमाल बान्धेको मानिसहरुले गोलि प्रहार गरि फरार भएकाे प्रहरीले जनाएकाे छ ।
अज्ञात समुहले प्रयोग गरेको मोटरसाइकलको नम्बर खुलेको छैन । स्वर्णकारलाई छाती र टाउकोमा दुई राउन्ड गोलि प्रहार गरि अपराधीहरु फरार भएकाे प्रत्यक्षदर्शीहरुले वताएका छन् ।
गोलि लागि गम्भिर घाइते भएका स्वर्णकारकाे प्रादेशिक अस्पताल कलैयामा उपचार हुन नसकेपछि थप उपचारकोलागि वीरगंजस्थित गन्डक मा रहेको मेडिसिटी बयाेधा हस्पिटलमा रेफर गरिएको थियाे ।
बयाेधा हस्पिटलमा उपचारकाे क्रममा १:५६ बजे मृत्यु भएकाे बारा प्रहरीले जनाएकाे छ ।
गोलि प्रहार गर्ने समुहकाे खाेजी कार्य भइरहेकाे जिल्ला प्रहरी कार्यालय बाराले जनाएकाे छ ।
घटना स्थलबाट सानो पेस्तोलमा लाग्ने ४ वटा गोलीको खोकाहरु समेत फेला परेको प्रहरीले जनाएकाे छ ।
