सोसल मिडिया
हाम्रो बारेमा
वीरगञ्ज । नेपाली काङ्ग्रेसको भातृ सङ्गठन नेपाल विद्यार्थी सङ्घ ( नेविसङ्घ) को केन्द्रीय सदस्यमा पर्साबाट मनोनीत भएका नौ जनामध्ये साबिर हुसेनले केन्द्रीय सदस्य पद अस्वीकार गर्दै राजीनामा दिएका छन् ।
नेपाली विद्यार्थी सङ्घ पर्साका पूर्व उपाध्यक्ष समेत रहेका हुसैनले नेविसङ्घ विधान विपरीत केन्द्रीय सदस्यमा आफूलाई मनोनीत गरिएको भन्दै राजीनामा दिएका हुन् ।
नेविसङ्घको विधानमा ३२ वर्षको उमेर हद तोकिएकोमा आफ्नो उमेर त्यो भन्दा बढी रहेकाले उमेर हद्दका कारण आफूले उक्त पद अस्वीकार गरेको हुसैनले राजीनामा पत्रमा जनाएका छन् ।
गत सोमबार काङ्ग्रेस सभापति शेर बहादुर देउवाले पर्साबाट हुसेनसहित नौ जनालाई नेविसङ्घको केन्द्रीय समिति सदस्यमा मनोनीत भएका थिए ।
पर्साबाट नेविसङ्घको केन्द्रीय सदस्यमा मनोनीत हुनेहरूमा हुसेनसँगै मुनराज तिवारी, विकेश पटेल, सुरेन्द्र लामिछाने, राजेश पटेल, सुदीप साह, नेहा मिश्र, युसुप अहमद र त्रिलोक्य साह रहेका थिए ।
